यस गोकुलगंगा गाउँपालिकाको वडा नं. ३ स्थित भीमसेनथान भन्ने ठाउँमा बन्न लागेको गाउँपालिका स्तरीय ५ सैया को अस्पताल सिलान्यास कार्य सम्पन्न भएको छ | गोकुलगंगा गाउँपालिका र dOTERRA Healing Hands Foundation को संयुक्त लगानीमा बन्न लागेको अस्पताल ३ नं. प्रदेश आर्थिक मामिला तथा योजना मन्त्रि श्री कैलाश प्रसाद ढुंगेल, dOTERRA Healing Hands Foundation का संस्थापक Robert young, रामेछाप प्रदेश सांसद शान्ति प्रसाद पौडेल, गाउँपालिका अध्यक्ष खड्ग बहादुर सुनुवार को उपस्थितिमा सिलान्यास कार्यक्रम सम्पन्न भएको छ | यस गोकुलगंगा गाउँपालिकाको बहुबर्षीय योजना अन्तर्गतको अस्पताल २ बर्ष भित्र सम्पन्न गरी सेवा सुचारु गर्ने गरी कार्य प्रारम्भ समेत गरिएको छ |
समाचार
सूचना तथा समाचार
, 
, 
यस गोकुलगंगा गाउँपालिका अन्तर्गत रहेका माध्यमिक बिद्यालयहरुबाट SEE २०७४ को नतिजामा उत्कृस्ट पाँच बिधार्थीहरुलाई छात्रवृत्ति स्वरूप रु १/१ लाख सहित प्रमाण पत्र वितरण तथा उत्कृस्ट तीन बिद्यालयहरुलाई प्रशंसा पत्र सहित रामेछाप प्रमुख जिल्ला अधिकारीको हातबाट सम्मान कार्यक्रम सम्पन्न |
, 
रामेछापको गोकुलगंगा गाउँपालिकामा विपद् जोखिम व्यवस्थापनको कार्यलाई सुदृढ र व्यवस्थित गर्नको लागि आपतकालिन कार्यसञ्चालन केन्द्र स्थापना भएको छ । इस्लामिक रिलिफ जर्मनी र ईस्लामिक रिलिफ नेपालको सहयोगमा सामुदायिक विकास समाज द्धारा सञ्चालित समुदाय र विद्यालयमा आधारित विपद् उत्थानशिलता अभिवृद्धि परियोजनाको सहयोग तथा स्थानिय विपद् तथा जलवायू उत्थानशील समिति, गोकुलगंगाको नेतृत्वमा उक्त केन्द्र संचालनमा आएको हो । केन्द्रको उद्घाटन गर्दै गोकुलगंगा गा.पा.का अध्यक्ष खड्ग बहादुर सुनुवारले आपत्कालिन सेवा केन्द्र जिल्ला तहमा भएपनि स्थानीय तह (गाउँपालिका)मा भने हाल सम्म पनि नभएकाले गोकुलगंगा गाउँपालिका नै पहिलो भएको दावी गरे । उनले जनताको जिउँधनको सुरक्षा गर्न सिडिएसले महत्वपूर्ण सहयोग गरेकोमा धन्यवाद व्यक्त गर्दै सेवा केन्द्रको दिगोपनाको लागि गाउँपालिकाले विपद् व्यवस्थापन कोष समेत स्थापना गरिसकेकाले सेवा प्रभावकारी हुनेमा विश्वास व्यक्त गरे ।
यसैगरी इस्लामिक रिलिफ नेपालका विपद् जोखिम न्यूनिकरण विज्ञ अमर राज पगेनीले राष्ट्रियस्तरमा गृह मन्त्रालयमा र जिल्लास्तरमा ४२ वटा मध्ये रामेछापमा पनि केन्द्र रहेको जानकारी गराउँदै (गाउँपालिका स्तरमा भने गोकुलगंगा गाउँपालिका नै पहिलो भएकोमा बधाई व्यक्त गरे । उनका अनुसार सो केन्द्र अन्तर्गत गाउँपालिका तथा ६ ओटै वडामा खोज तथा उद्दार समग्रीको भण्डारण ।रहने छ भने गाउँपलिकाको वेभसाईटमा गोकुलगंगाको विपद्को ईतिहास, आकष्मिक तथा महत्वपूर्ण टेलिफोन नम्वर, खोज उद्दार÷प्राथमिक उपचार÷पुर्व चेतावनी प्रणालीमा तालिम प्राप्त व्यत्तिहरुको विवरण तथा विद्यालय, वडा र गाउँपालिकाको विपद् जोखिम व्यवस्थापन योजना समावेश गरिनेछ । उक्त समितिलाई परियोजनाका व्यवस्थापक विवेक भट्टराईले क्याराविना, चेस्टहार्नेस, फिगर अफ एट, स्टेचर, ह्याण्ड माइक, बुट, सेफ्टी हेल्मेट लागयतका खोज तथा उद्धारका सामाग्री हस्तान्तरण गर्नुभएको छ । अब गाउँपालिकामा विपद् पदा प्रभावितहरुले सेवा केन्द्र मार्फत खोज तथा उद्धार, प्राथमिक उपचार, पुर्व सूचना प्रणाली लागयतका सेवा प्राप्त गर्नेछन् ।
परियोजनाले उक्त सेवा प्रदान गर्न खोज तथा उद्धार, प्राथमिक उपचार, पुर्व सूचना प्रणाली गरी ३ वटा कार्यदल समेत निर्माण गरेको छ । उक्त कार्यदलमा ४७ जना खोज तथा उद्धार, प्राथमिक उपचार कार्यदलमा ४९ जना र पुर्व सचेतना २५ जना तालिम प्राप्त मानवीय श्रोत रहेको छ । सेवा केन्द्र स्थानीय विपद् तथा जलवायु उत्थानशिल समिति गोकुलगंगाको मातहतमा संचालन हुनेछ । समिले आपत्कालिन सेवा केन्द्रलाई थप व्यवस्थित गर्न आपत्कालिन कार्य संचालन कार्यविधिको ड्राफ्ट समेत बनिसकेको समितिले जनाएको छ ।
, 
, 
, 
रामेछापको गोकुलगंगा गाउँपालिकाले विश्व पशुपन्छी दिवसको अवसरमा ¥याली तथा पशु विमा सम्बन्धी अन्तरक्रिया कार्यक्रम गरी मनाएको छ । दिवसको अवसरमा पशुपन्छी प्रतिको सत्व्यवहारः समृद्ध नेपालको आधार भन्ने मुल नाराको साथ गाउँकार्यपालिकाको कार्यालयबाट ¥याली निकाली रस्नालु बजार परिक्रमा गरेको थियो । ¥याली पश्चात भएको अन्तरक्रिया कार्यक्रममा बोल्दै गाउँपालिका अध्यक्ष खड्गबहादुर सुनुवारले ६ वटै वडामा पशु पकेट क्षेत्र घोषणा गरिसकेको जानकारी दिनुभयो । उहाँले वडा नं. १ मा चौरी २ मा ट्राउड माछा, ३ मा वंगुर पालन ४ मा ट्राउड माछा र कुखुरा पालन ५ मा गाई फार्म विकास र ६ मा वाख्रा फर्म पकेट क्षेत्र रहेको जानकारी दिनुभयो । गाउँपालिका विस्तारै मासु र अण्डामा आत्मनिर्भर बन्दै गएको पनि उहाँको भनाई छ । कार्यक्रममा प्रिमियर इन्सोरेन्स कम्पनीका भिुपेन्द्र पराजुलीको सहजिकरणमा पशुविमा सम्बन्धी छलफल समेत भएको थियो । अब पशुपन्छि विकास शाखाले किसानलाई आर्थिक नोक्सानबाट जोगाउन हरेक किसानको घरदैलोमा पशु विमा कार्यक्रम पुयाउने शाखा प्रमुख लोक प्रसाद फुयालले वताउनुभयो । यसैगरी सिद्धार्थ वैंकका प्रबन्धक प्रदिप कुमार कार्कीले असल पशु उद्यमीलाई सिफारिस गरे फर्म दर्ताको प्रमाणपत्र धितो राखी १० लाख सम्म ऋण प्रवाह गर्न सक्ने वताउनुभयो । यता सहकारीको तर्फबाट बोल्दै किस्मत वचत तथा ऋण सहकारी संस्थाका अध्यक्ष गंगाबहादुर सुनुवारले पशु उद्यमीलाई सहज प्रकृयाबाट सस्तो व्याजदरमा ऋण प्रवाह गर्न सकिने प्रतिवद्धता व्यक्त गर्नुभयो । कार्यक्रममा गाउँकार्यपालिका सदस्यहरु, वैंक तथा सहकारी संस्थका पदाधिकारी, पशु उद्यमी, ग्रामिण पशु स्वास्थ कार्यकर्ता, निजी क्षेत्रमा कार्यरत जे.टी.ए, पत्रकार लगायत ४५ जना सहभागीहरुको उपस्थिति रहेको थियो ।
, 
, 
, 
नतिजामुखी प्रशासन ः समृद्धि र शुसासन भन्ने मुल नाराको साथ मनाइएको दिवसमा कर्मचारीहरुले कार्यालय परिषर सरसफाई समेत गरेका छन् । निजामती कर्मचारी दिवसको अवसरमा गोकुलगंगा गाउँपालिकाकाका कर्मचारीले गाउँकार्यपालिकाको कार्यालय परिषर भित्र वृक्षारोपन गरी दिवस मनाएका छन् । कार्यक्रममा गाउँपालिकाको अध्यक्ष खड्ग बहादुर सुनुवारले गोकुलगंगा गाउँपालिका कृषि, पर्यटन, जडिबुटि लगायतका श्रोत साधान अधिक सम्भावना भएको पालिका भएकाले नजिता आउने गरी काम गर्न आग्रह गर्नुभयो । यसैगरी कर्मचारीहरुको तर्फबाट बोल्दै प्रमुख प्रशासकीय अधिकृत शिव कुमार राईले सुशासन र सदाचारः समृद्धिको आधार भएको भन्दै कर्मचारीहरु इमान्दार र जनमैत्री बन्न आग्रह गर्नुभयो । उहाँले चालु आ.व मा कर्मचारीहरुको कार्य सम्पादन मुल्याङ्कन हेरी नतिजामुखि काम गर्ने कर्मचारीलाई पुरस्किृत गर्ने समेत उद्घोष गर्नुभयो । कार्यक्रममा गाउँपालिकाका कर्मचारी, जनप्रनिधि, पत्रकार, गाउँपालिका स्थित कार्यरत संघसंस्थाको प्रनिनिधि लगायतको उपस्थिति रहेको थियो ।
Pages
Elected Official
Elected Official
